આવકારોની આતશબાજી

પ્રેમ ભર્યા અવાજે મહેમાનોને આવકારતા
પાસે બેસી એકબીજાની વાતો સાંભળતા
દુનિયામાં સારા ખોટાની ચર્ચા કરતા
મનમાં ના હોય પ્રેમ તો પણ ખોટી લાગણી દાખવતા
જુદી જુદી રીતે મહેમાનોની સરભરા કરતા
પણ મનમાં રૂપિયા અને સરખામણીના ભેદભાવ રાખતા
વાતચીતમાં જ સંસ્કારોની અછત વર્તાતી
પણ પૈસાના જોરે એકબીજાના નજીક હોવાનો દંભ કરતા


ઘરમાં અતિથી આવે ત્યારે આપણે કેટલો બધો આવકાર આપીએ છીએ, સમ્માન કરીએ છીએ, એકબીજાની વાતો અને વિચારોની આપ લે કરીએ છીએ. પણ હકીકત મનના આંગણમાં તો કંઈક બીજીજ રમત ચાલતી હોય છે. દુનિયામાં શું સારું છે અને શું ખોટું છે એનો નિર્ણય તો ઝડપથી લેવાઈ જાય છે પણ આપણામાં કેટલી સારાઈ અને કેટલા અવગુણ છે તે પ્રત્યે લક્ષ્ય નથી આપતા. મનમાં તો ઈર્ષ્યા હોય છે પણ વાણીમાં બહુજ મીઠાશ હોય છે. પણ આ યુગમાં લોકોને મીઠાશ ભર્યા શબ્દો સાંભળવા બહુ ગમતા હોય છે પણ એટલું યાદ રાખવું કે ઘણું મીઠાશભર્યું બોલતી વ્યક્તિના પેટના પાણી ઊંડા હોય છે અને ઊંડા પાણી હમેશા શાંત હોય છે. પણ આ તો દરેકની સમજણ પર આધાર રાખે છે પણ ખેર સમય જતા બધુજ ચિત્ર દેખાઈ જાય છે એનુજ નામ જીવન. માણસના સંસ્કાર એ તો તેની આપણા પ્રત્યેની લાગણીમાં જ પ્રદર્શિત થઇ જાય છે. પૈસાના જોર પર બધુજ ખરીદી શકાય છે પણ સંસ્કાર, પ્રેમ અને સાચી લાગણી નહિ.